კიბატონო... იყოს ქობულეთი... ქობულეთი
ქობულეთი – ქალაქი საქართველოში, აჭარის ავტონომიური რესპუბლიკის ქობულეთის მუნიციპალიტეტის ადმინისტრაციული ცენტრი. მდებარეობს ქობულეთის დაბლობზე, შავი ზღვის სანაპიროზე, ზღვის დონიდან 5 მ.
ისტორია
ქობულეთი XVII-XIX საუკუნეებში წარმოადგენდა თავდგირიძეების რეზიდენციას და შედიოდა ხან გურიის სამთავროს, ხან ოსმალეთის იმპერიის შემადგენლობაში. ოსმალების ბატონობის დროს ქალაქს ეწოდა თურქული სახელი Çürüksu. XIX საუკუნის ბოლოს რუსეთ-ოსმალეთის ომის შემდეგ, ქობულეთი, ისევე როგორც მთელი აჭარა რუსეთის იმპერიამ დაისაკუთრა. ქობულეთმა ქალაქის სტატუსი მიიღო 1944 წელს.
ტურიზმი
ქობულეთი კლიმატურ-ბალნეოლოგიური კურორტია. ქალაქის კლიმატი რბილი სუბტროპიკულია. ქობულეთი საბჭოთა კავშირში რეგიონალური მნიშვნელობის კურორტად ითვლებოდა. ფუნქციონირებდა სანატორიუმები და პანსიონატები, რომელთა უმრავლესობა თავდაცვის სამინისტროს ეკუთვნოდა. უკანასკნელ ათწლეულში განსაკუთრებით გაიზარდა ქობულეთის პოპულარობა რადგანაც ის გახდა აფხაზეთის საკურორტო ზონის ალტერნატივა. ზაფხულობით ქობულეთში ყოველწლიურად 100 000-მდე ტურიტი სტუმრობს.
ინფრასტრუქტურა
ქობულეთში გადის საერთაშორისო მნიშვნელობის გზა ბათუმი-ფოთი (ს-2). ქალაქში არის რკინიგზის სადგური სამტრედია-მახინჯაურის ხაზზე.
ქალაქში არის ჩაის, საკონსერვო და სხვა მცირე საწარმოები; ბათუმისა და ლაზეთის ეპარქიის რეზიდენცია; 11 მართლმადიდებლური ეკლესია, 2 მეჩეთი, 4 პარკი და 15 სასტუმრო.
პიროვნებები
ქალაქში დაიბადნენ:
ჯანო ანანიძე — ფეხბურთელი, მოსკოვის "სპარტაკისა" და საქართველოს ეროვნული ნაკრების ნახევარმცველი.
კიდევ თუ რამე იცით დაამატეთ...